मुक्तरंग - रंग आयुष्याचे भाग ९

"काका बास खूप बोललात. स्वतः च पोटच्या मुलीला अस बोलता लाज कशी वाटली नाही. बरं झालं एका अर्थी लग्न झालं बिचारी सुटली एकदाची. तिची स्वप्न तिची इच्छा सगळ्या मेल्या तुमच्या मुळे. तुमच्या दोघांसाठी काय काय करायचं होत पण सतत धाकात होती. आबांना येऊन हात पाय जोडायची अहो आबा नेहमी तिला त्यांची मुलगी मानून तुमच्या कडे यायचे कारण आबांना तिची तगमग कळायची. तिचं लग्न झालं हे कळलं त्या दिवशी आबा जेवले नाही किती दुःख झालेलं कारण तिची स्वप्न आबा ही जगत होते तिच्या सोबत. बरोबर बोललात शिकून काय होणार अगदी बरोबर पण किमान तिच्या आयुष्याची माती तरी करायची नाही. लग्न करून तरी कुठे सुखी आहे ती ... माझ्या दादाने ने पाहील तिला तब्येत खराब किती झाली त्यातून ते दोन माणस तिच्याशी अरेरावी करत होते. आमच्या सखी ला दोन वेळेच खायला तरी देत असतील का? अहो शिकून खूप मोठ व्हायचं स्वप्न होत तिच. ऑफिसर व्हायचं त्या साठी ती किती अभ्यास करत होती. ह्या ह्या किर्ती ला बोलता ना तुम्ही डोक्यावर मिऱ्या वाटणारी अहो तिच्या आई बाबांनी च सखी ला गेली ३ वर्ष अभ्यासाची पुस्तक दिली. स्वतःच मुली सोबत तिला ही शिकवत होते ते. ती अर्धा वेळ कॉलेज करून अर्धा वेळ किर्ती च्या आई च्या बुटिक मध्ये ड्रेस शिवायची कारण तिला कोणाचे उपकार नको होते. एकदा ती उशीरा आली म्हणून ज्या प्रकारे तुम्ही तिला मारलं हाकलले ते पाहून एखाद्या पाषाणाला पाझर फुटला असता पण नाही तुम्हाला तिचं ऐकायचं नव्हतं न. शेवटी किर्ती चे बाबा तिला घेऊन गेले त्यांच्या घरी. किर्ती च्या आई ने तिची काळजी घेतली. आबा सुद्धा भेटून आलेले तिला तेव्हा. हा वैभव ताई ताई करत रात्री च रडत आला तिला शोधत शेवटी दादा ने त्याला किर्ती च्या घरी नेले रात्री चे १ वाजलेले. पण तुम्ही शी काका खरंच एवढे कसे निर्दयी वागलात."- मुक्ता रागात बोलून शांत झाली. आज तिचं अस वागणं सगळ्यांसाठी अनपेक्षित होत. शांत समंजस मुक्ता एवढी तिची ओळख. पण आज मुक्ता च हा एक नवीन रंग पाहिला मिळालं सगळ्यांना खास करून किर्ती नयना ला. आपल्या मैत्रिणीसाठी बाजू घेणारी मुक्ता सगळ्यांना माहित होती पण आज तिच्या साठी भांडणारी मुक्ता आज सगळे पाहत होते. ममता आणि वैभव एका कोपऱ्यात एकमेकांना बिलगून रडत होते.