न अपेक्षा काही... न अपेक्षाभंगाचे दुःख भाग -१

स्वाती विणाची सून तिला नेहमी म्हणायची ,"आई, सरस्वतीला तुम्ही साधी समजू नका. ती दिसते तशी. ती डोक्यावर बसेल तुमच्या. मी रोज घरी राहत नाही. शेवटी तुम्हालाच सगळं सांभाळून घ्यावे लागते. तुम्ही तिचे लाड पुरवाल तर ती रोज तसंच पाहिल. आज तुम्ही आपण होऊन देता उद्या ती तुम्हाला ऑर्डर सोडेल मला चहा द्या, मला नास्ता द्या. माझा तिला काही देण्याला विरोध नाही आहे पण तुम्ही रोज रोज द्याल तर तुम्हाला त्रास होईल म्हणून म्हणतेय."