"नाळ "अनुभव मुक्या जीवांचा

दुसरे पिल्लू ही खायला तयार होईना.. त्याची ती तळमळ बघून डोळे भरायला लागले होते.. अखेर शंभूला हात जोडून विनवणी केली म्हटलं "देवा ते गोडस पिल्लू मला सापडू दे लवकर घरी परतू दे... सोमवारीस्व मी अगदी कडक निर्जळी उपवास करीन.." मंदिराकडे हात जोडले. अन् काय आश्चर्य!! पुढच्या एक तासात ते पिल्लू माझ्या पायाशी येऊन पायांना कुरवाळत होतं.. खूप आनंद झाला त्याला उचलून छातीशी कवटाळले पण थोड्याच वेळात आनदांवर विरजण पडले. ते पिल्लू इतकं जखमी झाले होते की, मलाही विश्वास बसेना.. जागी जागी जखमा आणि मोडलेली मान बघून मीच हादरून गेले…लगेच त्या जखमांना हळद तेल लावलं…त्याच्यासमोर वाटी तून दूध ठेवलं…मान मोडलेली असल्याने त्याच्याने पिणे शक्य होईना…मग मलाच लहान बाळाला कसं चमच्याने दूध पाजवतात तसे पाजवावे लागले…. तिथून पुढचे नऊ दिवस माझा अगदी त्या पिल्लाला वाचवण्याचा खटाटोप सुरू होता.