नावरसी भाग ३

आबासाहेबांच्या तक्रारी रोज घरी येऊ लागल्या होत्या. त्याची आई सुनीता हवालदिल झाली होती. ते शांत व्हावे म्हणून अंगारे धुपारे करत होती; पण विशेष काही फरक पडत नव्हता. 'दिपक' म्हणजेच 'आबासाहेब' आता दहावीत शिकत होते; पण अभ्यासात अजिबात लक्ष नव्हते. क्लासलादेखील दांड्या मारत होते. आता शिक्षक त्याचे वडील सखारामरावांकडे तक्रार करू लागले होते. त्यांनाही आपला मुलगा हाताबाहेर चालला आहे याची जाणीव झाली होती; पण आता काही उपयोग होणार नव्हता. इतर लोकही आता तो वाया गेलेला मुलगा आहे असे म्हणू लागले होते.
त्याला कुणाचा धाक उरला नव्हता. व्हायचा तो परिणाम झाला आणि दिपक दहावीला नापास झाला. एरवी 'आता याचं कसं होणार..' म्हणाल्यावर त्याचे आजोबा बोलायचे, "आमची तीस एकर शेती हाय ती रग्गड झाली त्याच्यासाठी."