नावरसी भाग ४ अंतिम

त्याच्या लग्नाच्या सहा महिन्यानंतर आजी निवर्तली होती. आतापर्यंत तिने घराला बांधून ठेवले होते. हा कणा आता मोडला होता. त्यामुळे घरातील भावाभावातील वातावरण हळूहळू गढूळ होऊ लागले होते. त्यात दिपकच्या कारवायांमुळे भर पडत होती. नाहक सर्व कुटुंबाला त्रास सोसावा लागत होता. एकदिवस मधल्या भावाने वेगळे राहण्याचा विषय काढला तसे धाकट्या भावानेही त्याची री ओढली. त्यांच्यासमोर सखारामचे काही एक चालले नाही आणि पाटील घराण्याचे हे कुटुंब विभक्त झाले.