नकळत सारे घडले - भाग ५

मितालीचे चुलत भाऊ सगळे कामाला लागले. कोणी गाड्यांमध्ये बॅगा भरत होते, तर कोणी पाहुण्यांना घरी सोडायला जात होते. मिताली आणि मल्हार.. स्टेजवर दोघांची नावं लावलेली बघून त्यांना जास्तच भरून आले. काही क्षण ते तिथेच बघत राहिले. इतक्यात मितालीच्या मोठ्या भावाने तिचे नाव काढून फाडून टाकले. त्यालाही खूप चीड येत होती, हे त्याच्या चेहऱ्यावरून साफ कळतं होते. बहीण तर पळून गेली, माघारी त्याच्याशी लग्नाला तरी कोण लगेच तयार होणार! हा प्रश्न त्याला सुद्धा पडलाच असेल.