नकळत सारे घडले - भाग १९

"मल्हार जेव्हा माझ्याशी बोलायला आले तेव्हा मी फक्त आई वडिलांसाठी तयार होते, पण त्यांचे बोलणे ऐकल्यावर असे वाटले, की हीच ती व्यक्ती आहे जिच्यासोबत आपण आयुष्यभर राहू शकतो. जो माणूस स्वतः चा विचार न करता समोरच्याचे मन जाणून घेतो त्याला नाही कसे म्हणू! ते बोलत होते आणि मी फक्त ऐकत होते. त्याच क्षणी.. अगदी त्याच क्षणी मी मल्हारच्या प्रेमात पडले. कशी काय? ते मला सांगता येणार नाही आणि आता तुम्ही पण विचारू नका."
इतके बोलून मीरा पाठमोरी झाली आणि स्वतः चा चेहरा ओंजळीत लपवू लागली.