नकळत सारे घडले - भाग २४

"गणेश अरे! थांब तरी माझ्यासोबत."
मल्हारला आता त्याचे सगळे बोलणे कळतं होते, पण वळत नव्हते. काय करणार परिस्थितीच तशी झाली होती. त्याला काहीच समजत नव्हते नेमकं वागावं तरी कसं.
घरच्यांना वाटलं म्हणून त्यांनी लगेच दुसरं लग्न ठरवलं आणि हा लग्नाला तयार सुद्धा झाला. त्यातही खुश राहावं हसत बोलावं सगळ्यांशी हे सुद्धा मान्य केलं, पण सकाळी जे काही झालं ते त्याच्या मनातून जायलाच तयार नाही, त्याला तो तरी काय करणार? इतक्या सहजासहजी विसरता येण्यासारखी ही गोष्ट नव्हतीच. यावर फक्त एकच सोल्यूशन आहे आणि ते म्हणजे वेळ. जसजसा वेळ जाईल तसे मल्हारला विसरायला सोपे होईल, पण तोपर्यंत त्याला वेळ देणे पण गरजेचे आहे. बळजबरीने काहीच साध्य होतं नाही हे त्यालाही माहिती होते आणि म्हणूनच मीरासोबत पण ह्याविषयी बोलणे त्याला योग्य वाटले होते.