नकळत सारे घडले - भाग २७

मीरा मल्हार दोघेही आता कंटाळले होते त्या फोटो ग्राफरला. हळूच मल्हार मीराला म्हणाला," ह्याला आता पळवून लावले पाहिजे." त्याचे बोलणे ऐकताच मीरा हसायला लागली. तिला मनातून तर आवडत होते मल्हार सोबत फोटो काढायला, निवेदिता मामींनी सांगितले तसे हेच फोटो आठवण म्हणून राहतात; त्यामुळे ती छान जगून घेत होती हे क्षण, पण मल्हारच्या चेहऱ्यावर कंटाळा लगेच दिसून येत होता. त्याला आवडत नव्हते, पण करणार काय? तरीही त्याने बास करा म्हणून सांगितले आणि स्टेजवर जाण्यासाठी पुढे निघून गेला. त्याच्या मागे मीरा पण लगेच निघून गेली.