नकळत सारे घडले - भाग ३७

देवदर्शन करून दमलेले सगळे लवकर जेवून झोपायला गेले, पण इकडे कल्पना ताईंना काही झोप लागेना. पूजेची तयारी बरीच करायची होती. सकाळी पूजा करायची आणि संध्याकाळी रिसेप्शनचा मोठा कार्यक्रम करायचा असे ठरवले होते; त्यामुळे सगळे पाहुणे पुन्हा जमणार होते. त्यांच्यासाठी सगळी व्यवस्था आधीच करून ठेवायची होती. बाजूचा रिकामा बंगला होता तिथे आधीच सांगून ठेवले होते; त्यामुळे राहण्याची व्यवस्था झाली होती. आता फक्त दोन तीन दिवस जेवण बनवायला मदतीला दोघी तिघी मावश्या पाहिजे होत्या. हे सगळे बोलणे दोघींमध्ये झोपताना पडल्या पडल्या होतं होते.