नकळत सारे घडले - भाग ३९

हळदीने भिजलेला तो. सावळा रंग पण तरीही सगळ्यांमध्ये उठून दिसेल असा. जीम न लावताही त्याने चांगली बॉडी बनवली होती. शिक्षणात हुशार, घरात सुद्धा सगळ्यांचं ऐकणारा, वडिलांना बीपीचा त्रास; त्यामुळे घरातली सगळ्या कामाची जबाबदारी घेणारा, सगळ्यांना सांभाळून घेणारा असा मल्हार.. कितीतरी पोरी त्याच्यावर फिदा असतील, पण आता तो मीराचा नवरा होता. तो मीराचा नवरा म्हणून तिला सांभाळून घेत होता. मीरा त्याला बघून एकदम हरखून जात होती. मल्हारने तिला उचलले तेव्हा तिच्या ओल्या अंगावरून साडी निसटत होती आणि मल्हारला ते समजताच तो तिचा पदर सुद्धा नीट करून देत होता हे तिला देखील कळतं नव्हते. ती फक्त त्याला डोळ्यात साठवत होती.