नकळत सारे घडले - भाग ४१

मल्हार मितालीबद्दल ऐकून खूप निराश होतो. सगळे तिला दोष देत होते. आता त्याला काय बोलावे काहीच कळतं नव्हते. सगळ्यांना माहिती होते, की मल्हारला ती मिताली आवडली होती आणि म्हणूनच लगेच लग्न ठरवले होते. चांगली शिकलेली नोकरी करणारी मिताली, अशी कशी वागू शकते म्हणून सगळे नवल करत होते. मल्हारला तर खरचं वाटतं नव्हते, की लग्नाच्या दिवशी मिताली पळून गेली. त्याला चांगलाच मोठा धक्का बसला होता. तिचं नाव काढलं तरी आताही तो गप्पच होता.