नकळत सारे घडले - ४६

लाल चुटुक पैठणी आणि पदरावर नाचणारे मोर.. ती साडी खूप सुंदर दिसत होती मीराला. मेहेंदी भरल्या हातात हिरवा चुडा, भांगेत कुंकू, कपाळावर नाजून चंद्रकोर, नाकात मोत्याची नथ, ओठांवर हलक्या लाल रंगाची लिपस्टिक. गळ्यात सोन्याचे जाड मंगळसूत्र उठून दिसत होते. केसांचा अंबाडा बांधून त्यावर मल्हारने दिलेले गजरे लावले होते. जास्त काही न मेकअप करता ही मीरा खूपच सुंदर देखणी दिसत होती. मुळातच ती दिसायला गोरीपान आणि नाजूक होती; त्यामुळे ती अशी छान आवरून खाली आल्यावर सगळे जण तिच्याकडे बघतच राहिले.