नकळत सारे घडले - भाग ५६

मल्हारची नजर तिच्यावर गेली तसे तिने खाली पाहिले. मीरा खूप जास्त सुंदर दिसत होती. फिकट आकाशी रंगाची जॉर्जेटची साडी आणि अगदी साधा मेकअप. गळ्यात मंगळसूत्र, भांगेत कुंकू आणि हातावर मेहेंदी.. ह्या सगळ्या गोष्टी तिच्या सुंदरतेेत आणखी भर घालत होत्या. तिच्याकडे बघून मल्हार काही क्षण हरवून गेला होता; पण अचानक त्याला पुन्हा तेच आठवले. 'मामाची मुलगी होती म्हणून झाले ह्याचे लग्न, नाहीतर कधी झाले असते काय माहिती.' हे सगळे आठवून तो पुन्हा खाली बघू लागला. त्यात मितालीची आठवण त्याला स्वस्थ बसू देत नव्हती. तो कोणालाच बोलून दाखवत नव्हता, पण मनातून मात्र खूप बेचैन होता.