नकळत सारे घडले - भाग ५८

'कदाचित मीराला सुद्धा वेळ पाहिजे असणार. अचानक लग्न झाले म्हणून आपण तिच्या भावना समजून घेतल्या पाहिजे. तिला ह्या घरात कुठलीही कमी पडू द्यायची नाही ह्याची जबाबदारी माझी. तसे तर तिला इथले सगळे माहितीच आहे; त्यामुळे तिला जास्त जड नाही जाणार. बऱ्याचदा ती राहायला पण येऊन गेली आहे इथे; म्हणून घरातले सगळे माहिती पण आहे. पण मीराकडे याआधी मी त्या नजरेने पाहिलेच नाही.. आणि तिला सुद्धा कधी वाटले नसेल. खरचं मिताली सोबत लग्न नाही झाले; म्हणून माझे कधी लग्नच जमले नसते का?'
मल्हार मनात विचार करत होता, पण त्या विचारात सुद्धा मिताली होती. तो तिला इतक्या लवकर असं सहजासहजी विसरु शकत नव्हता.