नकळत सारे घडले - भाग ५९

मल्हार उठून बघतो तर मीराने सगळी रूम नीट आवरून ठेवली होती. त्याचे इकडे तिकडे पडलेले कपडे तिने नीट घडी करून ठेवलेले होते. अंथरूण घड्या करून ठेवले होते. फुलं सुद्धा गोळा करून पिशवीत भरून ठेवली होती. एकंदरीत रूम मधला सगळा पसारा तिने झटक्यात नाहीसा केला होता. ते पाहून मल्हारला छान वाटतं होते. एरवी आई त्याला बोलत असायची की कपडे नीट ठेवत जा म्हणून, पण कामाच्या घाईत त्याच्याकडून ते नेहमीच राहून जात असे, पण आता मीरा आली होती आणि तिने पहिल्याच दिवशी तिची जादू दाखवायला सुरुवात केली.