नकळत सारे घडले - भाग ६१

"अग मग जीच्यासोबत आधी लग्न ठरले होते तिच्यासोबत त्यांनी बराच वेळ घालवला असणार ना! ती अशी अचानक पळून गेली मग त्यांना याचा चांगलाच धक्का बसला असणार. तू जरा समजून घे ना! त्यांना खरचं वेळ दे. कदाचित घराच्यांमुळे त्यांनी लग्न केलं असावं, पण तुलाही त्यांनी अंधारात नाही ना ठेवले. सगळे विरोध करत असतानाही ते तुझ्याशी बोलायला आले, हे काय कमी आहे का? प्रत्येकाला वेळ दिला पाहिजे. जो माणूस सगळ्यांना विरोध करून बोलायला येतो यातून तुझी काळजी स्पष्ट दिसून येते.. मग तूच बघ ना! आणि त्यांनाच काय तुलाही खरतर वेळ हवाच होता ना! शांत डोक्याने विचार कर. मला तर त्यांचं असं वागणं पटलं. तुला ते कधीच दुखवणावर नाही."
मैत्रिणी खूप छान समजावून सांगत होत्या; त्यामुळे मीराला त्यांचे सगळे म्हणणे पटले.