नकळत सारे घडले - भाग ६४

'बरं झालं, माझ्या मनात होते तेच झाले. मीरा मला आधीपासूनच आवडत होती, पण बोलणार कसे म्हणून तात्याला काही विचारलेच नव्हते. मिताली पण तशी चांगली होती, पण तिच्या मनात काय चालले होते देवच जाणे. बरं झालं लग्न व्हायच्या आधी तिचे रुप आधीच समजले, नाहीतर लग्नानंतर उगाच आम्हाला त्रास झाला असता. पण मल्हार तिच्यात अजूनही अडकला आहे. त्यातून त्याला बाहेर यायला थोडा वेळ तर लागणारच, पण मीरा खूपच समजूतदार आहे. चेहऱ्यावर किती गोड हसू ठेवून असते. तिच्याही काही अपेक्षा असतीलच म्हणा, पण होईल सगळे ठीक. बस थोडा आणखी वेळ द्यावा जाऊ लागेल.'
कल्पना ताई मनातल्या मनात विचार करत होत्या. त्यांना मीरा सून म्हणून मनापासून आवडली होती. जेव्हा भर मांडवात लग्न मोडले तेव्हा माहेरचेच साथ द्यायला पहिले उभे असतात हा चांगलाच अनुभव आला होता; त्यामुळे कल्पना ताई मीराला खूप जीव लावत होत्या. सून कमी आणि मुलीसारखे जपत होत्या. तिच्या आवडीनिवडी नुसार सगळे चालू होते.