नकळत सारे घडले - भाग ६७

बाहेर चौघे पाच जण मस्त गप्पा मारत बसलेले. इकडच्या तिकडच्या गावातल्या गप्पा चालूच होत्या. मल्हार अधून मधून आतमध्ये बघत होता. त्याला भूक लागली होती, पण अजून मीराचे झाले नव्हते. तो शेवटी किचनमध्ये आला आणि ओट्याजवळ उभ राहून बघत होता काय चालू आहे ते. मीरा भजी बनवत होती. त्याच्या खमंग वासाने भूक आणखी चाळवळी. पटकन एक भजा उचलून त्याने तोंडात टाकला, पण तो इतका गरम होता की त्याचे तोंड भाजले.