नकळत सारे घडले - भाग ६९

"अरे पण तिचा इतका विचार का करतोय तू? ती नाहीये आता तुझ्या आयुष्यात; त्यामुळे तिला पहिले डोक्यातून काढून टाक आणि मीराकडे लक्ष दे. ती आता तुझी बायको आहे. तिला काय हव नको ते बघ. तिची काळजी घे. हे बघ.. जे झालं ते विसरून जा आणि पुढच्या भविष्याचा विचार कर. मिताली तुझा भूतकाळ होती आणि आता मीरा तुझा वर्तमान आहे. हे स्वीकार कर. तेव्हाच तू शांत होशील. इतके दिवस ती काय विचार करत असणार, की मल्हार असा का वागतो माझ्याशी? तिच्याशी चार शब्द तरी नीट प्रेमाने बोलास का तू? काय वाटत असेल बिचारीला? ते काही नाही. इतके दिवस तू तुला पाहिजे तसा वागला, पण आता अजिबात नाही हा.. तिच्याशी बोल. नवरा आहे तू तिचा. तिला काय हवं नको ते तुला बघायला पाहिजे. बायको म्हणून तिचा स्वीकार कर."
गणेश खूप शांतपणे त्याला समजावून सांगत होता. मल्हार पण त्याच सगळं ऐकून घेत होता.