नकळत सारे घडले - भाग ७१

मीराचा विचार करतच व्हॉट्स ॲपवर तिचा फोटो पाहिला. तिने लग्नातला फोटो लावलेला होता. तो कितीतरी वेळा मल्हार झूम करून करून बघत होता. छानच आला होता तो फोटो. त्यानंतर लग्नातले बरेच फोटो होते त्याच्या फोनमध्ये, पण त्याने ते कधी पाहिलेच नव्हते. आता ते सुद्धा तो एक एक करून अगदी लक्ष पूर्वक बघत होता. प्रत्येक फोटोमध्ये मीरा जास्तच सुंदर दिसत होती. त्यावेळी तिला नीट पाहिले देखील नव्हते मल्हारने, पण आता तो प्रत्येक फोटो अगदी निरखून बघत होता.
'मीरा प्रत्येक फोटोत किती साधी, पण तितकीच सुंदर दिसत होती.  त्यावेळी तिच्याकडे खूप दुर्लक्ष केलं आपण, पण आता नाही.'
असे म्हणत मल्हार फोनमध्येच तिच्याशी बोलत होता.