नकोशा भाग ५

आईने खरं ते सांगावे असा विचार करून आई म्हणाली , " हो मी च पाठवले . त्याला पुढचे शिकायचे आहे आणि तो सुबोध पेक्षा नक्कीच शिकून मोठा होईल याचा मला विश्वास आहे . म्हणून मी पाठवलं आहे . आणि जो पर्यंत तो मोठा माणूस होत नाही तोपर्यंत यायचे नाही हे पण सांगितले आहे आणि अस हि तो तुम्हाला कोणालाच तुमच्या डोळ्या समोर नको होता ना त्यामुळे आता तुम्ही काही काळजी करू नका . आता या विषयावर काही हि चर्चा करायची नाही आणि सुबोध तुला सांगते , जर तू तिथे जाऊन त्याला जर त्रास दिला ना तर तुझे हात पाय जागेवर राहणार नाही याची मी काळजी घेईन . झोपा आता सगळे. उद्यापासून आपल्या आपल्या कामाला जायचे आहे . "