नणंदबाईचे माहेरपण भाग -३(अंतिम)

शिवानीने आपल्या इच्छेनुसार लग्न केले होते आणि त्याला रोशनचा विरोध होता, त्यामुळे तिने पळून जाऊन लग्न केले होते. असे केल्याने कित्येक नातेवाईक आणि शेजाऱ्यांनी तिच्याबद्दल आणि रोशनच्या घरातल्यांबद्दल खूप काही बोललेले त्याच्या कानावर आले होते. आपल्याच घराण्याची इज्जत, आपल्या बहिणीने पळून जाऊन लग्न केले म्हणून गेली; त्याचा राग रोशनच्या मनामध्ये होता आणि त्यामुळेच त्याने तिच्याशी संबंध तोडले होते. तिने इथून पुढे कधीच त्या घरामध्ये पाऊल ठेवायचे नाही, असे सुद्धा त्याने निक्षून सांगितले होते.