नणंद माझी लाडकी!

"हे काय कमी होतं की माझ्या नवऱ्यानेही दुजोरा दिला. मला नोकरीही शोधून दिली. रविवारी घरी असल्यावर हे फरशीही पुसून घेतात. सकाळ-संध्याकाळ मला नाश्त्यासाठीही विचारतात आणि बनवूनही घेतात. का माहित आहे? कारण ते माझी रोजची धावपळ पाहतात. त्यांना ऑफिसचं काम असतं. घरी आल्यावर त्यांना आरामासाठी वेळ मिळतो. मला मात्र रोज घरचं आवरून बाहेरचं काम असतं, बाहेरून येऊन पुन्हा घरचं काम असतं. तेवढा फक्त रविवारचा दिवस मी ऑफिसच्या कामातून मोकळी असते, म्हणून ते त्यादिवशी माझी काळजी घेतात. रोज रात्री आनंदीला झोपूही घालतात, जेणेकरून माझीही झोप होईल. त्या दोघांच्या प्रोत्साहनामुळे आज मी माझ्या संसाराला आर्थिक हातभार लावू शकत आहे." एवढं सगळं बोलून सुलभा शांत बसली आणि तिने रेवती व कार्तिककडे कटाक्ष टाकला.