नंदिनी श्वास माझा १५

गाडी एक मोठ्या बंगल्या समोर येऊन थांबली. श्रीराज कार मधून उतरून आतमध्ये गेला. त्याची आई दारातच आरतीचे ताट घेऊन उभी होती. जवळपास ५-६ वर्षांनी त्याला आपल्या डोळ्यांपुढे उभे बघून त्याच्या आईचे डोळे आनंदाने पाणावले होते आणि कौतुकाने ती त्याच्याकडे बघत होती. आज ५-६ वर्षानंतर तो घरी आला होता.. पाच वर्ष तो अमेरिकेतच होता पहिले दोन वर्ष त्याने आपले शिक्षण पूर्ण केले आणि शिकत असतांनाच एका कंपनीमध्ये काम करून बिजनेसचा एक्सपिरीयन्स घेत होता. त्यानंतर त्याने पार्टनरशिपमध्ये तिथेच बिझनेस सुरू केला. बिजनेस चांगला सुरू होता. नंतर त्याने त्याच्या पर्सनल लेव्हलवर S&N ग्रुप ऑफ कंपनीज नावाने बिझनेस सुरू केला. त्याची अतोनात मेहनत आणि कुशाग्र बुद्धिमत्तेमुळे त्याने त्याचा बिजनेस टॉप लेवल वर नेऊन पोहोचला होता आणि आता भारतात मुंबई मधील एक कंपनी त्याने टेक ओवर केली होती . म्हणून आता तो भारतात परत आला होता. आता त्याला भारतामधून त्याचं काम बघता येणार होतं. याचीच तो खूप वर्षापासून वाट बघत होता.