नांदू द्या ना सौख्यभरे.. भाग ७

विरेन जॅकेट बघून खुश झाला होता. ज्योतीताईंची नजर राहून राहून सानवीच्या बॅगकडे जात होती. आत अजून काही वस्तू दिसत होत्या. पण चुलत जावेसमोर आणि विरेनसमोर विचारायला कसंतरी होत होतं. विरेन, रिया निघून गेल्यावर सानवी आणि अनिरुद्धदेखील त्यांच्या खोलीत आराम करायला म्हणून गेले. ज्योतीताई थोड्या अस्वस्थ झाल्या होत्या. माधवरावांशी बोलू की नको हा प्रश्न त्यांना पडला होता. शेवटी त्यांनी बोलायचे ठरवलेच.