नातं मैत्रीचे

आई वडील आणि भाऊ बहिणींजवळ त्याला कधीच राहता आले नाही. राजचे आई वडील गावी राहत होते. घरची परिस्थिती हलाखीची होती. तसा राज अभ्यासात खूप हुशार होता. शिष्यवृत्ती आणि पार्ट टाईम काम करून त्याने आपले शिक्षण पूर्ण केले. राजचं गावचं घरं एका डोंगराळ भागात डोंगऱ्याच्या कडेला होते. गावात फक्त मोजकीच घरे होती. कोणतीच सुखसुविधा नाही की दवाखाना नव्हता. कोणी आजारी पडले तर गावापासून लांब दूरच्या गावात उपचारांसाठी जावं लागत होतं. कधी कधी असं व्हायचं, की पेशंटला दुसऱ्या गावात दवाखान्यात घेऊन जातानाच त्याचा मृत्यु व्हायचा. या सगळ्याची राजला कल्पना होती. हे सर्व पाहताना राजचे मन खूप दु:खी व्हायचे. हे सर्व दूर करण्यासाठी त्याने मनाशी बाळगलेलं  स्वप्न आता सत्यात उतरत होत.