नात्याची नवी पालवी भाग-१०

"एक आई म्हणून मी तुमची चिंता आणि काळजी समजू शकतो. खरे तर मी खोटे बोलणार नाही पण श्रावणीला मी माझ्या मुलीसमानच मानतो. तुम्ही इथे राहायला आलात तेव्हा मला अनामिक भीती होती. असे वाटत होते की, माझ्या काळजाचा तुकडा माझ्यापासून दूर झाला. काकांना मी नकार ह्यासाठी दिला होता, कारण तुमचे मत इथे सर्वात आधी महत्त्वाचे आहे. तडजोड ही जीवनात करावीच लागते. आपल्या दोघांचे आधीचे लग्न हे आईवडिलांच्या पसंतीनेच झाले होते. मलाही समजून घेणारी आणि माझ्या आईला ओझे न समजता आपल्याच घरातील मोठी व्यक्ती म्हणून मान देणारी सहचारिणी हवी होती. मला थोडा वेळ द्या आणि पुढे आपले लग्न झालेच तर श्रावणीला मी तिचा सावत्र बाबा आहे हे कधीच जाणवून देणार नाही हे मी वचन देतो." असे बोलून तो श्रावणीकडे गेला.