नात्यांचा गोडवा - जिव्हाळा - भाग ३

"हे बघ विभा तू असा विचार कर जर मला ही संधी मिळाली असती तर मी नक्कीच गेलो असतो ना बाहेर आणि तुम्ही मला पाठिंबाच दिला असता. तू एक स्त्री आहे म्हणून तू जायचं नाही याला काही अर्थ नाही. आम्ही सगळे इतक्या कोत्या मनोवृत्तीचे नक्कीच नाही. तुला आमच्यापासून फक्त दीड वर्ष‌ लांब राहायच‌ आहे. आता पूर्वीसारखं फक्त पत्र, फोन यावरच कम्युनिकेशन अवलंबून नाही तर रोज व्हाट्सअप,व्हिडिओ कॉल होऊ शकतो. तू प्रतीकची अजिबात काळजी करू नकोस मी माझा जास्तीत जास्त वेळ त्याला देण्याचा प्रयत्न करेन." त्याची री ओढत बाबा म्हणाले,