नात्यांचा गोडवा - जिव्हाळा - भाग १

विभा एका आयटी कंपनीमध्ये इंजिनीयर म्हणून कार्यरत होती. 'टीम लीडर' ह्या महत्वाच्या पदाचा कार्यभार ती सांभाळत होती. इतकं असूनसुद्धा तिला‌ कसलाच गर्व नव्हता. रोज सकाळी लवकर उठून घरातले सर्व आवरून ती तिच्या वेळेवर ऑफिसला जात होती. एकत्र कुटुंबात राहत होती. घरात नवरा मंदार, त्याचे आई बाबा आणि मंदार व विभाचा मुलगा प्रतीक असे सगळे आनंदाने राहत होते. विभाला संध्याकाळी ऑफिसमधून यायला उशीर व्हायचा त्यामुळे तिच्या मनात एक प्रकारची अपराधीपणाची भावना होती.