नत्यांची गुंफण - ३

सलीलचे व्यक्तिमत्त्व खूप उठावदार होते. सावळा वर्ण, पावणेसहा फूट उंची, कुरळे केस त्याला शोभून दिसत होते. परंतु स्वतःच्या वैयक्तिक आयुष्यात तो खूपच दुःखी होता. तो त्याचे आईबाबा, पत्नी सारिका आणि पाच वर्षांचा मुलगा अमेय ह्यांच्यासोबत आनंदी जीवन जगत होता. कसलीच उणीव नव्हती - संपत्ती, प्रेम सारं काही मुबलक होतं . पण नियतीला हे मंजूर नव्हतं. एक दिवस सलिलला महत्त्वाची मिटींग असल्यामुळे बाकी सर्वजण एका नातेवाईकाच्या मुलाच्या लग्नाला गेले होते. परतताना त्यांच्या कारचा भीषण अपघात झाला आणि सर्वच्या सर्व जागच्या जागीच गेले. तेव्हापासून सलील एकाकी जीवन जगत होता . घरी एक बाई जेवण करायला येत होत्या. आणि एक जोडपं होतं. ते सुध्दा असेच त्याला रस्त्यात मदत मागताना भेटले होते. सलीलने त्यांना त्याच्या घरी आसरा दिला. एक दिवस असाच सुट्टीच्या दिवशी तो ह्या नेहमीच्या गार्डन मध्ये आला होता . तेव्हा त्याला जाणवले की इथे ह्या मुलांना खेळताना पाहून त्याच्या मनाला थोडा आराम मिळतो. तेव्हापासून तो रोजच ह्या गार्डन मध्ये येत होता.