नात्यात अंतर नको भाग ४ अंतिम

"आई, ते बोलतात ना आपला तो बाब्या आणि दुसऱ्याचं कारटे ते खोटं नाही. त्या दिवशी ताईची सासू तिला पाठवत नाही म्हणून तुला रडायला येत होतं. ताई गरोदर राहिली तेव्हा तिला म्हणाली काळजी घे आणि जेव्हा कोमलची वेळ आली तेव्हा म्हणाली आजकालच्या मुली नाजुक असतात. का आई असा भेदभाव? कोमलचे वडील नाहीत. तिची आई एकटी असते. गेली ती भेटायला तर काय बिघडले? ताई इथे होती तेव्हा ती माहेरी गेली नाही. ताईची काळजी घेतली. ते तुला कसं दिसलं नाही? प्रत्येकवेळी तिच्यामध्ये काय दोष आहे हेच बघायचं का? आई, ह्या साठी माझं लग्न केलं का? ताईसाठी तुझा जीव तुटतो मला माहीत आहे. ती माहेरपणाला येत नाही. भाऊजी त्यांच्या आईसमोर एक शब्द बोलत नाही. तू मलाही बोलू देत नाही. मग आता आपण कोमलला देखील तशीच वागणूक द्यायची का?"