नऊ रूपे तिची.. भाग २

"सॉरी... पण तुम्ही आई होऊ शकत नाही." हे शब्द तिच्या कानामध्ये घुमत होते. ती सैरभैर झाली होती. लग्नाला पाच वर्ष झाली तरी मूलबाळ नाही म्हणून तिने स्वतःच्याच मनाने सगळ्या टेस्ट करून घेतल्या होत्या. आज त्याचा रिपोर्ट आला होता. डॉक्टर आधी सांगायलाच तयार नव्हते पण हिने खूपच आग्रह केला म्हणून त्यांनी सांगितले. ते ऐकून ती तुटून गेली होती. परत परत तेच शब्द तिच्या डोक्यात येत होते. वाट फुटेल तिथे ती जात होती. शेवटी थकून भागून ती समोरच्या बाकावर बसली. समोरच रस्त्यावर राहणाऱ्या बाईची दोनतीन पोरं तिथेच घाणीत खेळत होती आणि अजून एक पोर पोटात दिसत होतं. ते बघून तिला अजूनच भडभडून आलं. ज्यांना मुलांना हवं ते देता येत नाही त्यांना भरभरून मुले देतोस.. आणि मला एकही होऊ नये? ती देवाशी मनातल्यामनात भांडत होती.