नवीन शिक्षिका ५ शेवटचा भाग

"आता माझ्याशिवाय शाळेतले सगळे खुश होतील ना?" असे ते स्वतःलाच विचारत होते. पण त्यांच्या घरी परिस्थिती वेगळी होती, त्यांची पत्नी आजारी होती, मुलगा परदेशात गेल्यावर तेथेच लग्न करून त्याने परत कधीच संपर्क केला नव्हता, कारण आम्ले सरांनीच त्याला रागावून तसे सांगितले होते, एक मुलगी अजून लग्नाची राहिली होती, घरच्या सगळ्या जबाबदाऱ्या त्यांच्या खांद्यावर होत्या. त्यामुळे ते लगेच निवृत्त होऊ शकत नव्हते.