नव्या वाटेवरची सुरुवात. भाग - १

"तीन महिन्यापुर्वी माझे मिस्टर एका अपघातात वारले. आमच्या लग्नाला फक्त दोन वर्षे पूर्ण झाले होते आणि असे झाले. माझे आईवडील गावी असतात. त्यांना असे समजल्यावर ते दोघेही माझ्याकडे आले होते. ते होते तोपर्यंत सासू सासरे चांगले वागायचे आणि बोलायचे. पण जसे ते गेले तसे, या लोकांनी माझा छळ चालू केला आणि माझ्या नवऱ्याच्या मृत्यूला मलाच जबाबदार धरले गेले. काल तर त्यांनी मला मारहाण करून घराबाहेर काढले. दिवसभर अशीच कुठे काही काम मिळतयं का ते बघत फिरत होते. आई वडिलांकडे जाऊ शकत नाही कारण त्यांना हे सगळे सहन होणार नाही. आणि मुलगी आई वडिलांकडे राहते म्हणून आजूबाजूचे सगळे नावे ठेवतील. एवढे बोलून ती परत रडू लागली.