संक्रांतीचे हळदीकुंकु अंतीम भाग

हॉलमध्ये भिंतीला छान छोटे-छोटे पतंग लावले होते. ती टेबलवर तीळ गुळाची छान आरास केली होती. त्यामध्ये तिळगुळापासून बनवलेली छोटी छोटी भांडी ठेवली होती. तिळगुळाचे सूप, जातं, पोळपाट-लाटणं, छोटीशी चूल आणि काय काय ठेवले होते. बांगड्या, बोर यांची सुबक मांडणी करून रांगोळी काढली होती. हलव्याचे   दागिने  आकर्षक  रितीने  मांडले  होते. दोघी जावा पारंपारिक महाराष्ट्रीय पोशाखात, कपाळाला चंद्रकोर, नाकात नथ आणि नऊवार घालून अगदी सुंदर दिसत होत्या.