निळ्या आकाशाचं स्वप्नं भाग ५

***
आत्ता माधवी सोफ्यावर बसली असताना सगळं घर तिच्या डोळ्यासमोर आलं. किती हौसेने तिने प्रत्येक खोलीतील भिंत आपल्या आवडीनुसार सजवली होती. एकेक वाॅल पीस, पेंटींग, फ्रेम सगळं काही युनिक होतं. भिंतीचा रंग बघून त्याला मॅच होतील असे पडदे लावले होते. ती ज्या सोफ्यावर बसली होती तो सोफा सेट, काचेचं डायनिंग टेबल, टिव्हीयुनीटकम शोकेस आणि त्या शोकेसमध्ये असणा-या सुंदर वस्तू हे लक्षात येताच माधवीच्या डोळ्यातून टपटप पाणी गळू लागलं.