निरावलंबी भाग -१

रक्षा जिने कॉमर्समधून शिक्षण घेतलेले होते आणि चार ते पाच वर्ष झाले ती नोकरीच्या शोधात होती. बेरोजगारी इतकी वाढलेली होती की तिला कुठेच नोकरी मिळत नव्हती.जरी कुठल्या कंपनीचे जॉब लेटर तिला मिळालं तरी सुद्धा काही ना काही कारण देत ते नोकरी नकारात होते. कारण जिथे तिथे फक्त वशिला चालत होता. हे एव्हाना आता तिला समजून आले होते. मग तिने नोकरी शोधण्याचे प्रयत्न चालू असताना त्यासोबतच सरकारी नोकरीसाठी विविध स्पर्धा परीक्षा सुद्धा दिल्या होत्या. त्यातही थोडक्या गुणांनी तिचे पद जात होते.