कथेचं नाव - निर्णय
कॅटेगिरी - राज्यस्तरीय कथा मालिका
सब कॅटेगिरी - कौटुंबिक कथा
भाग- ३
श्यामल ने आपल्या जॉब वर लक्ष केंद्रित केलं. आता तिला तिच्या आयुष्याची होणारी फरपट सहन न होणारी होती. त्यामुळे ती प्रत्येक बाब तपासून पाहायची. मग त्यावर तिचा अंमल व्हायचा. ज्याप्रमाणे दुधाने पोळलेला ताक ही फुंकून पितो, तसंच तिचं झालं. ती एकटी होती तरी तिचे चांगले विचार तिच्यासोबत होते.
चिंता ही मधमाशी सारखी असते. तिला जितकी दूर करण्याचा प्रयत्न कराल तितकी ती अधिक चिकटून बसते.
शामलच्या चिंतेने आई आजारी पडली. तिचा एकच ध्यास तिचे पुढील आयुष्य कसे जाईल?
शशांक कधीच कुठे कोणतीच गोष्ट कोणासोबत बोलायचा नाही. कारण त्याला त्याच्या पत्नीचा विरह सहन होत नव्हता. एक गोंडस मुलगी त्याच्या आयुष्याचा भाग झालेली होती..
तो कार्यालयातून आल्यावर तिच्यासोबत रमायचा. त्याची आई आणि तो दोघेच होते. त्याची आई नातीला सांभाळायची..
.
छोट्या परीने आजूबाजूच्या सर्वांनाच लळा लावलेला होता.
शशांकला त्याची आई म्हणायची, " तू दुसरं लग्न कर."
त्याचं मन मानत नव्हतं! आपल्या मुलीला आईची माया देणारी कोणी मिळेल का? तो नेहमी संभ्रमात असायचा. त्याच्या आईला आशा
होती .कधीतरी हा दुसऱ्या लग्नाचा विचार करेल.
आयुष्याचे झाडही असेच असते. त्याला सुद्धा आशेचा खूप मोहर येतो.
आईच्या या आशेचा मोहोर शशांक च्या मनात डोकवायला लागला. आपल्या पोरीला सांभाळायला अशी कुणी आपल्या आयुष्यात यायला हवी ना!!!
त्या पार्टीला सर्वजण तर होतेच, शामल सुद्धा बऱ्यापैकी मेकअप करून गेलेली होती. तेथे शशांक होताच. शशांकच्या मित्राने तिची ओळख शशांकशी करून दिली. जुजबी बोलणं झालं. दोघांच्याही आयुष्याचा कोपरा थोडा रिकामा असल्यामुळे दोघांमध्ये थोडा न्यूनगंड आलेला होता.. असं असलं की स्वतःचा आत्मविश्वास कमी होतो. त्यामुळे समोरच्याशी मिळून मिसळून वागणं जमत नसतं. कुठेतरी मनाला दुःखाची किनार जाणवते....
तिने त्याला उडवा उडवीची उत्तरे देऊन तेथून घालवलं...
शशांक ने विचार केला," हिला मित्रांकरवी लग्नाचा प्रस्ताव पाठवावा का ? नाही ! नको ! ती यातून वेगळाच अर्थ काढेल !!"
आजकाल तरुण-तरुणींना मोबाईल हा एकमेव असा मेघदूत वाटतो. कधी हा मोबाईल नाती विस्कटवतो, तर कधी जुळवतो..
गरज असते ती फक्त सुंदर मनाची.....
आणि अतूट विश्वासाची.....
आता काय करायचं ?
व्हाट्सअप वर त्याने ती नोटीस पाहिल्याची निळी खूण आली. अशा सर्व लीगल बाबी त्याला व्हाट्सअप वर पाठविण्यात आल्या.
त्याने त्या स्वीकारल्याची निळी खूणच हिला त्या बंधनातून मोकळं होण्यासाठी मार्गदर्शक ठरली...
तिने आता शशांक च्या बाळाला म्हणजे त्याच्या गोड परीला खूप जीव लावण्याचे ठरवलं.
छाया राऊत बर्वे
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा