नियतीचा न्याय भाग १

ईशानी तिथेच जमिनीवर बसली. तिचे डोळे कोरडे पडले होते. कधीकधी दुःख इतकं मोठं असतं की डोळ्यांतून पाणीही येत नाही. तिला आठवलं, पाच वर्षांपूर्वी लग्नाच्या मांडवात तिने पाहिलेली स्वप्नं. तिने फक्त तडजोड केली होती. सासूचे टोमणे, नवऱ्याचा चिडखोर स्वभाव... तिने स्वतःला सून या चौकटीत बसवण्यासाठी स्वतःची राख केली होती.
पण आज तिचा अंतरात्मा जागा झाला होता.
फालतू हा शब्द तिच्या कानात घुमत होता.