ओ मेरी जान ! पार्ट 6

सोसायटीच्या लोकांना मिलिंदचे योगा क्लासेस आवडू लागले. सोबतच आरजूनेही टिफिन डिलिव्हरी सुरू केली. काही कोविड ग्रस्त रुग्ण त्यांच्या घरातच क्वारनटाईन झाले होते. जानकीबाईच्या ओळखीचे एक वृद्ध जोडपे असेच कोविडग्रस्त होते. त्यांचे मुले परदेशात होते. मिलिंदने त्या जोडप्याला टिफिन पोहोचवण्याचे काम केले. बरेच विद्यार्थी दिल्लीतच थांबले होते. हॉटेल आणि मेस बंद पडल्यामुळे त्यांच्या जेवणाची तारांबळ उडाली होती. अश्या सर्वाना "खानाबदोष" चा आधार भेटला. आरजू आणि मिलिंद खूप कष्ट घेत होते. आरजू बाजारात फिरून फिरून चांगल्या दर्जाची भाजी निवडत. एकवेळ नफा कमी झाला तरी चालेल पण जेवणाचा दर्जा कमी व्हायला नको हे तिचे तत्व होते. आरजूच्या हातचे पौष्टिक आणि चविष्ट जेवण लोकांना आवडत होते. मिलिंद पण वेळेवर टिफिन डिलिव्हर करायचा. दोघे मिळून घर चालवत होते.