ओढ तुझ्या प्रेमाची भाग ८

'अमोल बरोबर बोलला होता राधा त्याला नाही म्हणणार. मग ती त्यादिवशी असं का म्हणाली की मी त्याला वेळ मागितला आहे? असो महत्वाचे आहे ती त्याला नाही म्हणाली. राधा तुझा वाढदिवस मी खरंच स्पेशल करणार. खूप स्पेशल तुला मी माझ्या भावना सांगणार आहे. खूप वर्ष झाले तुला सांगावं म्हणतो पण नाही जमलं. आता धीर एकवटून बोलणार. मला विश्वास आहे तू हो म्हणशील. राधा, तू मला खरंच खूप आवडते. कॉलेजच्या अगदी पहिल्या दिवशी तू माझ्या मनात भरली. तुझ्यासाठी ज्या भावना आहेत त्या वेगळ्याच आहे. माझ्या सोबत तू मला पाहिजे. कायम हवी आहेस. तुझी ओढ लागली आहे राधा, एक वेगळीच प्रेमाची ओढ. तुझ्याशिवाय दुसरं काही सुचत नाही. माझ्या विचारात तूच असते. वेड लावलं राधा तू. खरंच तुझ्यात एक जादू आहे. अशी जादू जी मनाला भुरळ घालते. मंत्रमुग्ध केलं आहेस तू. माझं अस्तित्व विसरलो आहे राधा.