ओढ तुझ्या प्रेमाची भाग १८

"राधा, आज आपला कॉलेजचा शेवटचा दिवस. कॉलेजच्या पहिल्या दिवशीच तू मला खूप समजदार वाटली, तेव्हाच तुझ्या प्रेमात पडलो. बघ ना तुझ्या ठिकाणी दुसरी मुलगी असती तर तिने मला जाऊ दिलं नसतं; पण तू हे सगळं ऐकून सारं सहज स्वीकारले. ना कसला हट्ट ना काहीच. तुझ्यासोबत जे क्षण होते ते फार सुंदर होते राधा. माझ्या प्रत्येक विचारात तू होती आणि राहशील; पण तू माझ्यापासून दुरावणार हे मला सहन होत नाहीये. मला माहित नाही मी वंदनाला माझ्या मनात जागा देऊ शकतो की नाही; पण तुझं स्थान कायम अबाधित राहील. राधा, तू तुझ्या आयुष्यात खुश राहा. तू देखील चांगला मुलगा बघून आयुष्यात पुढे जा."