ओंजळीत माझ्या सुखाचे चांदणे...३

"आता काय करायचं? कुठे जायचं? केतकीला काहीच सुचत नव्हते. कारण माहेरी ती जाऊ शकत नव्हती. कारण माहेरी कोणत्या तोंडाने जाणार? अचानक मला असं माहेरी‌ आलेले पाहून सगळ्यांच्याच मनात किती प्रश्न निर्माण होतील. तिने तिच्या मैत्रिणीला फोन केला आणि दोन तीन दिवस तिच्या घरी राहायला गेली. पण किती दिवस राहणार? पण घर मिळेपर्यंत तिला राहावेच लागणार होते. आठ दिवसांतच तिने दोन खोल्यांचे घर शोधले. पण जशा पाहीजे तशा सुविधा असलेले घर मिळालेच नाही. शेवटी काही दिवस तिथे राहून नवीन घर शोधू असे ठरवले.