ओंजळीत माझ्या सुखाचे चांदणे...५

अद्वैत केतकीच्या घरून निघून जातो. पण त्याच्या मनात आता निराशेचे ढग जमा होऊ लागले. त्याच्या जीवनातही अंधारच होता. पण केतकीला त्याचे म्हणणे पटत नव्हते. समाजाच्या भितीमुळे ती ठोस निर्णय घेऊ शकत नव्हती. अद्वैतने बनवलेली खिचडी आणि कढी तिने खाल्ली‌ . पण मनात अपराधी पणाची भावना निर्माण झाली होती. "दुपारपासून ते आपल्या सोबत होते. तरी एका शब्दाने सुध्दा त्यांना खिचडी खाण्यासाठी आग्रह केला नाही. आपण असे नव्हतो. पण आता त्यांना काय वाटत असेल. एक फोन करते आणि साॅरी म्हणतेच."