ऑपरेशन सेफ हार्ट भाग -२४

नवी मुंबईच्या बंकरमधील त्या भीषण स्फोटानंतर आणि दिवाकर सिंघानियाच्या अटकेनंतर, भारताच्या अंतर्गत सुरक्षेला लागलेली एक मोठी कीड उपटून काढण्यात उर्वी आणि आदित्यला यश आले होते. मात्र, विजय अजून दूर होता. विक्रम सिंग उर्फ 'द किंगमेकर' हा पुन्हा एकदा निसटला होता आणि गुप्तचर यंत्रणेला मिळालेल्या माहितीनुसार, त्याने आता आशिया खंडातील सर्वात सुरक्षित आणि प्रगत शहर असलेल्या सिंगापूरमध्ये आश्रय घेतला होता.