पडक्या बंगल्यातील गूढ - भाग १

वीकेंडला जोडून दोन दिवस सुट्टी आल्यामुळे मयूर, सचिन, निलेश आणि सुमित हे चार मित्र मुंबई बाहेर
'दवबिंदू' रिसॉर्ट मध्ये एन्जॉय करायला चालले होते . सकाळी दहा वाजताच त्यांनी घर सोडलं होतं. रस्त्यात 'निसर्ग' धाब्यामध्ये यथेच्छ जेवून ते पुढे निघाले होते. आता खरं तर त्यांना चहाची तलफ आली होती. अजून थोड्या अंतरावर चहाची टपरी आहे असं एका गृहस्थाने त्यांना सांगितलं होतं. आता मध्येच गाडी बंद पडली होती. त्यांच्या वेळेच्या अंदाजाप्रमाणे काही अडचण आली नसती तर संध्याकाळी सातपर्यंत त्यांना रिसॉर्टवर पोहोचता आलं असतं.