पडक्या बंगल्यातील गूढ - भाग २

"आपल्याला काहीतरी करून या तावदानातून
आतमध्ये डोकावून बघता येईल." सुमित तसा उंच होता पण तरीसुद्धा पायाखाली काहीतरी घ्यावं लागलं असतं. म्हणून त्यांनी आजूबाजूला काही दिसतंय का ते पाहिलं. परंतु तशी काही वस्तू त्यांना आढळली नाही. शेवटी सचिन आणि मयूर म्हणाले आम्ही दोघं वाकून खाली उभे राहतो तू वर चढून पटकन बघ. त्याप्रमाणे सचिन आणि मयूर वाकून उभे राहिले. सुमित अलगद त्यांच्या पाठीवर चढला. निलेश कोणी येत तर नाही ना याची काळजी घेत होता. सुमितने पाहिलं तर मागच्या खोलीत मीट्ट काळोख असल्याकारणाने काहीच दिसत नव्हते. पुढच्या खोलीत मिणमिणता प्रकाश होता. तिथे एक माणूस पाठमोरा बसलेला दिसत होता. नक्की काय आहे ते काहीच कळत नव्हते. सुमित खाली उतरला आणि म्हणाला,