पडक्या बंगल्यातील गूढ - भाग ३ - (अंतिम)

"अरे मागच्या खोलीत खूप सारी शस्त्रं ठेवली आहेत. टॉर्चच्या प्रकाशात ती कोणत्या बनावटीची आहेत ते कळलं नाही. इतकी शस्त्रं पाहून माझ्या डोळ्यापुढे अंधारी आल्यासारखे झालं म्हणून मी पुढच्या खोलीत काही बघू शकलो नाही. हे नक्कीच एखाद्या दहशतवादी संघटनेचं काम असणार. ह्यात सामील असलेले लोक साधेसुधे नसणार एव्हढं मात्र नक्की. आता आपण पुढल्या बाजूला जाऊन आत मध्ये किती माणसे आहेत ते पाहूया." पुन्हा दबक्या पावलांनी सगळे पुढच्या बाजूला आले. पुढच्या दरवाजाच्या वर पण एक अर्धवट उघडे तावदान होते. पुन्हा सुमित वर चढून आत काय दिसते ते बघू लागला. आत मध्ये सहा सात जण आडवे तीडवे झोपले होते. त्यांच्या आजूबाजूला दारूच्या रिकामी बाटल्या, अर्धवट खाल्लेलं जेवण पडलेलं दिसत होतं. तो खाली उतरला आणि त्याने इतर तिघांना हे सांगितलं.