पैज एक वेगळी प्रेम कहाणी

सावरगाव.
एक छोटंसं गाव. गाव छोटं होतं. पण तिथे सगळ्या आधुनिक सुविधा होत्या. शाळा कॉलेज, होते, आय टी आय होतं, आणि पोलिटेक्निक होतं. अजून तिथे सुधारणा झाल्या असत्या.
रामचंद्र पाटील. गावचे सरपंच होते. त्यांनी गावात आपल्या वडिलांच्या स्मृती प्रित्यर्थ शाळा आणि कॉलेज सुरु केले होते. त्यांच्या पत्नी जानकीबाई, यांची त्यांना मोलाची साथ होती.
आता वयाची चाळीशी ओलांडून ते निवांत होते. दोन मुलं आणि एक मुलगी असा परिवार होता त्यांचा. मोठा मुलगा,अविनाश तिथेच शाळेत शिक्षक होता. त्याची पत्नी, अनिता पण शिक्षिका होती.
मधला मुलगा अनिकेत, तो पुण्यातच इंजिनियर होत होता. मेकॅनिकल इंजिनियर होऊन आपल्या गावात फॅक्टरी उभी करायचं त्याचं स्वप्न होत
त्यांचं शेंडेफळ म्हणजे
अवनी.
अवनी रामचंद्र पाटील. तिला शिकून रिसर्च करायचे होता.
जिवशास्त्र मध्ये एम एस सी करून तिला जेनेटिक्स मध्ये स्टडी करायचा होता.
आता ती त्यांच्याच कॉलेज मधून बी एस सी झाली होती.
निकाल लागला होता.